Заради постојан увид на пензиските заштеди и транспарентност на системот пензиските друштва до членовите и пензионираните членови на пензиските фондови со кои управуваат, еднаш годишно доставуваат извештај за пензиска заштеда на индивидуална сметка, на доброволна индивидуална сметка и на професионална сметка и извештај за инвестициско портфолио. Известувањата до членовите на пензиските фондови се доставуваат во зелен плик. За едноставен и брз начин на информирање членовите имаат можност извештаите за пензиска заштеда да ги добиваат преку електронска пошта (e-mail).

Во зелениот плик има два вида извештаи:
– Првиот извештај претставува информација за состојбата на средствата на индивидуалната сметка за пензиска заштеда. (Појаснување на извештајот за пензиска заштеда)
– Вториот извештај содржи информации каде се инвестирани средствата на сите членови заедно со детални податоци за наплатените надоместоците и остварениот принос на пензискиот фонд. (Појаснување на извештајот за инвестиционо портфолио)

Пензиските друштва до членовите и пензионираните членови на пензиските фондови со кои управуваат, годишните известувања за 2016 година треба да ги достават најдоцна до 31.03.2017 година.
Со цел точно и навремено доставување на редовните известувања-зелениот плик до своите членови, од особено значење е членовите на вториот и третиот столб да вршат ажурирање на своите лични податоци. За ажурирање или корегирање на своите податоци, членовите на пензиските фондови потребно е да се обратат во пензиското друштво кое управува со пензискиот фонд во кој членуваат:
Седиштата и веб страниците на двете пензиски друштва се:

Членовите кои имаат дополнителни прашања може да се обратат до МАПАС – Агенција за cупервизија на капитално финансирано пензиско осигурување на телефонскиот контакт 02/3224-229.