СООПШТЕНИЕ ЗА ЈАВНОСТ

Претставници на Агенцијата за супервизија на капитално финансирано пензиско осигурување МАПАС остварија работна средба со тимот на Програмскиот менаџер од Делегацијата на Европската Унија во Скопје, г-ѓа Ружица Андроникова. Средбата се одржа со цел разгледување на можностите за реализација на идни проекти насочени кон усогласување и исполнување на европската регулатива во областа на капитално финансирано пензиско осигурување и други релевантни сегменти.

Во рамките на средбата, претставниците на Агенцијата ја информираа г-ѓа Андроникова за успешно спроведените ТАИЕКС мисии, кои имаа значајна улога во развојот и унапредувањето на капитално финансираното пензиско осигурување во земјата. Средбата беше искористена и за дискусија за идни форми на поддршка од ЕУ, со акцент на техничка помош и експертска соработка за понатамошно јакнење на капацитетите на институциите во согласност со ЕУ стандардите.

Агенцијата за супервизија на капитално финансирано пензиско осигурување МАПАС останува посветена на процесот на европска интеграција и континуирана соработка со европските институции со цел обезбедување одржлив и модерен пензиски систем, усогласен со најдобрите европски практики.