Претставник на МАПАС на одбележувањето на 20 години од работењето на ХАНФА

Марија Поповска, советник на Претседателот на Советот на експерти на МАПАС, присуствуваше на свечената академија по повод одбележувањетона 20-годишнината од работењето на Хрватската агенција за надзор на финансиските услуги (ХАНФА), која се одржа во Загреб.

Присуството на МАПАС на овој значаен настан претставува потврда за континуираната соработка и партнерство меѓу двете институции во насока на унапредување на регулаторната рамка, размена на искуства и добри практики, како и зајакнување на надзорот и развојот на капитално финансираното пензиско осигурување.

МАПАС останува посветен на продлабочување на меѓународната соработка со сродни регулаторни тела, со цел обезбедување стабилен, транспарентен и одржлив пензиски систем.