Гостинско предавање на проф. д-р Стивен Бојд (Stephen P. Boyd) од Универзитетот Стенфорд, САД

Претставници на МАПАС присуствуваа на гостинското предавање на проф. д-р Стивен Бојд од Универзитетот Стенфорд, еден од водечките светски истражувачи во областа на конвексната оптимизација, одржано на Економскиот факултет – Скопје.

На предавањето на тема „Конвексна оптимизација во квантитативните финансии“, проф. Бојд ги претстави современите концепти, алгоритми и софтверски алатки за оптимизација и нивната примена во квантитативните финансии.

Посебно значење за МАПАС имаат можностите за примена на овие пристапи при управувањето со портфолијата на пензиските фондови, анализата и управувањето со ризиците, како и во развојот на современи супервизорски практики.