МАПАС и ВФП Пензиско Друштво на заедничка средба за унапредување на пензискиот систем

Претседателот на Советот на експерти на Агенција за супервизија на капитално финансирано пензиско осигурување (МАПАС), Ремзи Бајрами, заедно со членовите на Советот на експерти, Пранвера Сума и Дарко Саздов, како и Главниот советник на Претседателот на МАПАС, Марија Поповска, остварија работен состанок со членовите на Надзорниот и Управниот одбор на ВФП Пензиско Друштво АД Скопје.

На состанокот беа разгледани актуелни прашања поврзани со функционирањето на пензискиот систем, унапредувањето на корпоративното управување, како и идните активности насочени кон зголемување на транспарентноста и заштитата на интересите на членовите на пензиските фондови.

Двете страни ја потврдија својата заложба за континуирана соработка и размена на информации, со цел понатамошно зајакнување на стабилноста и ефикасноста на пензискиот систем.

Агенцијата за супервизија на капитално финансирано пензиско осигурување (МАПАС) ќе продолжи активно да придонесува кон развојот на вториот и третиот пензиски столб, во насока на обезбедување сигурна и одржлива пензиска иднина за граѓаните.