МАПАС присуствуваше на свечената прослава по повод 70-годишнината од основањето на Бирото за развој на образованието.

По повод овој значаен јубилеј, МАПАС упатува искрени честитки до Бирото за развој на образованието, институција која седум децении претставува клучен столб во унапредувањето на образовниот систем и креирањето современи образовни политики. Придонесот на Бирото е од непроценливо значење за развојот на квалитетно, инклузивно и модерно образование во нашата земја.

МАПАС и Бирото за развој на образованието и досега, а и во иднина, продолжуваат заеднички да вложуваат во развојот на финансиската писменост кај младите. Нашата соработка се темели на заедничката визија – подигање на свесноста кај младите за важноста од финансиска писменост и подобро запознавање со функционирањето на финансискиот пазар.

Посебен акцент заеднички го ставаме на финансиското образование уште од најрана возраст, со нагласување на значењето на штедењето и разбирањето на придобивките од долгорочното штедење како предуслов за сигурна и стабилна иднина.

Воедно, МАПАС упатува искрена благодарност до Бирото за развој на образованието за неговата долгорочна посветеност, професионалност и партнерство. Бирото е наш вистински и доверлив партнер на патот кон зајакнување на финансиската писменост кај младите во нашата земја, а оваа заедничка мисија ќе продолжи да придонесува кон нивен просперитет, одговорно финансиско однесување и подобра иднина.