Соопштение до јавноста по повод активностите поврзани со Глобалната недела на парите во 2019 година

На вториот ден од Глобална недела на парите (26.03.2019 година), Агенцијата за супервизија на капитално финансирано пензиско осигурување (МАПАС) одржа едукативни презентации во двете средни училишта: СОУ “Славчо Стојменски” и СОУ “Коле Нехтенин” во Штип. Додека пак, претставници од двете пензиски друштва КБ Прво пензиско друштво АД Скопје и САВА пензиско друштво а.д. Скопје одржаа едукативни презентации во СОУ “Киро Спанџов Брко” и СОУГ “Добри Даскалов” во Кавадарци.

Мотото на Глобалната недела на парите за 2019 година е “УЧИ, ШТЕДИ, ЗАРАБОТИ”.

Учениците од сите средни училишта покажаа особен интерес за областа поврзана со финансиите и значењето на парите, особено потенцирајќи го интересот на учениците од техничките училишта и останатите училишта кои што не изучуваат теми во редовната настава од областа на финансиите. Поддршка за вакви едукативни презентации дадоа и професорите од училиштата.