Агенција за супервизија на капитално
финансирано пензиско осигурување

Уште еден актуар во МАПАС

04.11.2013

На 1.11.2013 година Билјана Котеска, вработена во МАПАС, се здоби со Уверение за положен стручен испит за добивање на дозвола за работа како овластен актуар, преку обуката за актуари и 15 испити, во организација на Агенцијата за супервизија на осигурување. Актуарската обука се спроведуваше 2 години, а наставната програма за стручниот испит се состои од вкупно 15 предмети и е изготвена согласно насоките дадени од Меѓународното актуарско здружение IAA (International Actuarial Association) и Groupe Consultatif (des Associations d’Actuaries des Pays de Communautes Europennes).

Актуарите се стручни лица кои се занимаваат со проблемите на финансиската неизвесност и ризиците со користење на математички методи од теоријата на веројатност, статистика и финансиска математика. Повеќето актуари работат во индустријата за осигурување и пензиско осигурување. Исто така актуарски знаења се потребни и во институциите кои се одговорни за супервизија на друштвата за осигурување и пензиските друштва и пензиски фондови.

Знаењата со кои вработените се стекнуваат преку посетувањето на ваквите стручни обуки претставуваат придобивка и јакнење на капацитетите на МАПАС.  

Skip to content