Пензискиот пазар во фокус – Прелиминарни податоци за 2023 година

Организацијата за економска соработка и развој – ОЕЦД го објави најновиот број на изданието “Пензискиот пазар во фокус – Прелиминарни податоци за пензиските фондови за 2023 година“.

Прелиминарните податоци на ОЕЦД покажуваат дека вредноста на пензиските средства во 2023 година се зголеми за 8% во земјите членки на ОЕЦД и за 14% во 33 земји коишто не се членки на ОЕЦД. Пензиските планови во сите земји забележаа позитивни номинални стапки на принос што најмногу ги одразуваат инвестициските добивки од вложувањата во обврзници и акции, при што цените се зголемија поради намалувањето на каматните стапки или очекувањата за такви намалувања во пресрет на забавувањето на инфлацијата. Исто така, инвестициските стапки на принос ги надминаа стапките на инфлација во повеќето земји. Сепак инвестициските добивки во 2023 година не беа доволни за целосно да се надоместат негативните резултати во 2022 година во некои од најголемите пензиски пазари (Данска, Холандија и САД).

Најновиот број на изданието “Пензискиот пазар во фокус – Прелиминарни податоци за 2023 година” е на следниот линк:

PMF-2024-Preliminary-2023-Data.pdf (oecd.org)