Седници на Совет на експерти 2025

Информација од 27-та седница на Советот на експерти, одржана на 30.06.2025 година

Советот на експерти одржа седница на 30.06.2025 година и донесе/усвои:

1. Правилник за измена на дополнување на Правилникот за начинот и постапката на маркетинг на пензиски фондови

Образложение

Со изменaта на Правилникот за начинот и постапката на маркетинг  на пензиски фондови се врши прецизирање и поедноставување на постојните одредби со цел подобрување на транспарентноста и олеснување на практичната примена.

Се бришат застарени одредби, како што е обврската за огласната табла, кои се покажаа како непрактични во ера на развиена технологија и дигитална комуникација. Се прецизира начинот на објавување на приносот во реален и/или номинален износ, со цел да се обезбеди јасна и разбирлива информација за членовите. Со измената, пишаните интервјуа со претставници на друштвото се изземаат од обврската да содржат информација за Агенцијата, како што се веќе изземени и аудио материјалите. Дополнително се поедноставува приказот на податоците во табелата, кога сите вложувања во една класа се помали (под 1%). Наместо да се наведуваат поединечно, тие се групираат во ставката „вкупно“ за таа класа. Со тоа се избегнува прикажување на несуштински податоци во табелата и се овозможува поедноставен и прегледен приказ за членовите.

2. Правилник за инвестирање на средствата на пензиските фондови

Образложение

Со новиот Правилник за инвестирање на средствата на пензиските  фондови, се врши спојување на Правилникот за инвестирање на средствата на задолжителните пензиски фондови  и Правилникот за инвестирање на средствата на доброволните пензиски фондови во еден правилник. Поради голем број исти и слични одредби , се наметна потреба за нивно обединување во единствена регулаторна рамка, при што се задржани разликите пропишани со закон ,таму каде што е неопходно.

Воедно, со новиот правилник се воведува нов пристап во дефинирањето на условите за квалитетот на финансиските инструменти и регулираните секундарни пазари на капитал во кои може да се инвестираат средствата на пензиските фондови. Наместо строго набројување на технички критериуми, се поставуваат општи принципи по кои друштвото треба да се води при оценување на соодветноста на инструментите за инвестирање. На тој начин се овозможува поголема флексибилност на пензиското друштво при носење на одлуки за инвестирање но во рамки на јасно поставени законски граници.  

3. Извештај за реализација на Годишниот план за вработување на Агенцијата за супервизија на капитално финансирано пензиско осигурување за периодот јануари – јуни 2025 година.

Советот на експерти ги разгледа:

1. Финансиските извештаи за 2024 година со Извештај на независниот ревизор и
2. Полугодишниот извештај за работата на Комисијата за одлучување по прекршок на Агенцијата за супервизија на капитално финансирано пензиско осигурување за периодот јануари – јуни 2025 година.

Советот на експерти даде одобрение/согласност на:

1. Барање од КБ Прво пензиско друштво АД Скопје за добивање на согласност на договорите склучени за вршење работи на берзански посредник и
2. Барање од ТРИГЛАВ ПЕНЗИСКО ДРУШТВО АД Скопје за добивање на согласност на договорите склучени меѓу Триглав пензиско друштво АД Скопје и правните лица кои вршат услуги со хартии од вредност.

Информација од 26-та седница на Советот на експерти, одржана на 09.06.2025 година

Советот на експерти одржа седница на 09.06.2025 година и донесе:

1. Одлука за привремено располагање со средствата на Агенцијата за супервизија на капитално финансирано пензиско осигурување до усвојување на финансискиот план на Агенцијата за 2025 година.

Информација од 25-та седница на Советот на експерти, одржана на 29.05.2025 година

Советот на експерти одржа седница на 29.05.2025 година и донесе/усвои:

1. Правилник за престанување на важење на Правилникот за начинот на уништување на документи и начинот на уништување, бришење и чистење на медиумот во Агенцијата за супервизија на капитално финансирано пензиско осигурување и Правилникот за техничките и организациските мерки за обезбедување тајност и заштита на обработката на личните податоци;
2. Извештај за состојбите во капитално финансираното пензиско осигурување во 2024 година и
3. Годишен извештај за работењето на Агенцијата за супервизија на капитално финансирано пензиско осигурување во 2024 година.

Советот на експерти ги разгледа:

1. Одлуката донесена од страна на Собранието на Република Северна Македонија за разрешување на Максуд Али од должноста претседател на Советот на експерти и именување на Ремзи Бајрами за претседател на Советот на експерти на Агенцијата за супервизија на капитално финансирано пензиско осигурување и
2. Конечниот извештај за ревизија на управувањето со ризици на Агенцијата за супервизија на капитално финансирано пензиско осигурување.

Советот на експерти даде одобрение на:

1. Барањето од КБ Прво пензиско друштво АД Скопје за добивање на одобрение за избор на Рок Папич за независен член на Надзорниот одбор на друштвото и
2. Барањето од КБ Прво пензиско друштво АД Скопје за добивање на одобрение за реизбор на Маја Стевкова Штериева за член на Надзорниот одбор на друштвото.

Информација од 24-та седница на Советот на експерти, одржана на 29.04.2025 година

 Советот на експерти одржа седница на 29.04.2025 година и донесе:

1. Правилник за измена и дополнување на Правилникот за систематизација на работните места во Агенцијата за супервизија на капитално финансирано пензиско осигурување.

Советот на експерти даде одобрение на:

1. Барањето од КБ Прво пензиско друштво АД Скопје за добивање на одобрение за реизбор на Весна Стојановска за член на Управниот одбор на Друштвото;
2. Барањето од ТРИГЛАВ ПЕНЗИСКО ДРУШТВО АД Скопје за добивање на одобрение за измена на Статутот на Триглав отворен доброволен пензиски фонд – Скопје;
3. Барањето од Сава пензиско друштво а.д. Скопје за добивање на согласност за Договори за посредување при купопродажба на хартии од вредност;
4. Барањето од ВФП ПЕНЗИСКО ДРУШТВО АД СКОПЈЕ за добивање на согласност за стекнување акции од IV (четврта) емисија по пат на приватна понуда и
5. Барањето од ВФП ПЕНЗИСКО ДРУШТВО АД СКОПЈЕ за добивање на одобрение за измена и/или дополнување на статутот на пензиското друштво.

Советот на експерти ги разгледа:

1. Кварталниот финансиски извештај за период од 01.01.2025 година до 31.03.2025 година;
2. Кварталниот извештај за реализација на Годишниот план за јавни набавки за периодот од 01.01.2025 година до 31.03.2025 година и
3. Извештајот за видео надзор за 2023-2025 година.

Информација од 23-та седница на Советот на експерти, одржана на 24.03.2025 година

Советот на експерти одржа седница на 24.03.2025 година и донесе:

1. Финансиски извештаи за 2024 година;

Советот на експерти даде одобрение на:

1. Барањето од ТРИГЛАВ ПЕНЗИСКО ДРУШТВО АД Скопје за добивање на одобрение за назначување на Александар Петров за одговорно лице за пресметка на програмирани повлекувања.

Информација oд 22-та седница на Советот на експерти, одржана на 25.02.2025 година

Советот на експерти одржа седница на 25.02.2025 година и донесе:

1. Правилник за измена на Правилникот за проценка на средствата на задолжителните и доброволните пензиски фондови

Образложение:

Со измената на Правилникот за проценка на средствата на задолжителните и доброволните пензиски фондови, се менува начинот на утврдување на вредноста на уделите на отворените инвестициони фондови.

Наместо користење на вредноста од работен ден „Т-2“, со измената се зема последно објавената вредност од Комисијата за хартии од вредност, најдоцна до 8:00 часот на датумот на кој се прави проценката на средствата на пензискиот фонд. На овој начин се обезбедува поголема прецизност и конзистентност при утврдување на вредноста на уделите на отворените инвестициони фондови.

     2. Годишна програма за работа на Aгенцијата за супервизија на капитално финансирано пензиско осигурување за 2025 година со Акциски план за спроведување на Годишната програма.

Советот на експерти ги разгледа:

1. Полугодишниот извештај за реализација на финансискиот план на Агенцијата за супервизија на капитално финансирано пензиско осигурување во 2024 година за период од 01.07.2024 до 31.12.2024 година и
2. Конечниот извештај за извршена ревизија на процесот за лиценцирање и одобрување.

Информација од 21-та седница на Советот на експерти, одржана на 29.01.2025 година

Советот на експерти одржа седница на 29.01.2025 година и донесе:

1. Предлог Правилник за измена и дополнување на Правилникот за систематизација на работните места во Агенцијата за супервизија на капитално финансирано пензиско осигурување.

Советот на експерти ги разгледа:

1. Кварталниот финансиски извештај за периодот од 01.10.2024 година до 31.12.2024 година;
2. Извештајот за задоволството на вработените од работата во Агенцијата за супервизија на капитално финансирано пензиско осигурување во периодот 2023-2024 година и
3. Извештајот за активностите на Комитетот за оценка на ризици во 2024 година.

Информација од 20-та седница на Советот на експерти, одржана на 9.1.2025 година

Советот на експерти одржа електронска седница на 9.1.2025 година и донесе:

1. Годишен план за јавни набавки во 2025 година на Агенцијата за супервизија на капитално финансирано пензиско осигурување;