MAPAS-i ishte pjesëmarëse në Konferencën e tretë për Freelancerët: “Freelance – E ardhmja e punës digjitale”

Agjencia për mbikëqyrje të financimit kapital të sigurimit pensional MAPAS ishte pjesëmarëse në Konferencën e tretë për Freelancerët me temë “Freelance – E ardhmja e punës digjitale”, e cila u organizua me qëllim të nxitjes së debatit publik mbi statusin, mundësitë dhe sfidat e freelancerëve në Republikën e Maqedonisë së Veriut.

Konferenca kishte për qëllim të theksojë nevojën për rregullim sistematik të statusit social dhe juridik të freelancerëve si dhe përmirësimin e integrimit të tyre në proceset ekonomike dhe institucionale. Ngjarja bashkoi aktorët kyç nga sektori publik, privat dhe ai civil, ku u debatua mbi temat në vijim:

• Maqedonia në hartën botërore të freelanc-it
  • Mundësitë dhe detyrimet ligjore të freelancerëve
  • Sigurimi social, pensional dhe shëndetësor
  • Shtylla e tretë – e ardhmja pensionale e freelancerëve
  • Marketingu dhe përmbajtja digjitale dhe
  • Kontabiliteti me QuickBooks dhe puna në tregun amerikan

Me pjesëmarrjen MAPAS-i mbështeti dialogun për përmirësimin e pozitës së freelancerëve dhe krijimin e një kuadri më gjithëpërfshirës për përfshirjen e tyre në sistemet sociale dhe pensionale.

MAPAS-i, përshëndet iniciativën për organizimin e ngjarjeve të tilla që kontribuojnë në dialog të hapur, shkëmbim përvojash dhe ngritjen e vetëdijes për rëndësinë e mbrojtjes sociale dhe pensionale të të gjithë pjesëmarrësve në tregun e punës.