Prezantim për punonjësit e MAPAS-it nga Stefan Trendevski, student në Fakultetin Ekonomik në Universitetin “Shën Kirili dhe Metodi” në Shkup

Stefan Trendevski, student në Fakultetin Ekonomik në Universitetin “Shën Kirili dhe Metodi” në Shkup, i cili së fundi përfundoi praktikën në MAPAS, sot bëri një prezantim para punonjësve të MAPAS-it. Tema e prezantimit ishte “Analiza e performancës së sektorit pensional në Maqedoni dhe vende të tjera”.

Në prezantimin e tij, Stefani theksoi se praktika ka një rëndësi të madhe për studentët, duke u ofruar atyre përvoja praktike dhe duke u njohur me proceset dhe punën në institucionet financiare. Për ekonomistët, kjo është mënyra e vetme për t’u përgatitur për pjesëmarrje në tregun e punës.

MAPAS-i e pa të nevojshme afirmimin dhe mbështetjen më të madhe që studentët të kenë punë praktike, prandaj në bashkëpunim me fakultetet dhe profesorët ne do të vazhdojmë së bashku të zhvillojmë një sistem dhe qasje për të afruar teorinë me praktikën dhe për të mundësuar që periudha e praktikës të jetë e dobishme për studentët. Prezantimi i Stefanit sot konfirmoi se kjo strategji është e suksesshme dhe studentët e kënaqur janë rekomandimi më i mirë për të tjerët.

Praktika, në këtë mënyrë, bëhet një proces që u mundëson studentëve të zhvillojnë kompetenca personale dhe të përgatiten për punësim më të lehtë në të ardhmen.