Njoftim për realizim të takimit me drejtoreshën ekzekutive znj. Marija Ristesca dhe femra përfaqësuese të Qendrës për kërkim dhe politikëbërje

Agjencia për Mbikëqyrje të Financimit Kapital të Sigurimit Pensional MAPAS si anëtare e Trupit Koordinues për Edukim Financiar dhe Përfshirje Financiare, e cila përbëhet nga përfaqësues të institucioneve financiare nënshkruese të Memorandumit për Bashkëpunim në Fushën e Edukimit Financiar dhe Përfshirjes Financiare ( që nga marsi 2019) së bashku me shoqëritë e pensioneve ka një qasje të koordinuar në zbatimin e aktiviteteve të përbashkëta në drejtim të rritjes së vetëdijes për nevojën për edukim më të madh financiar, të cilat bazohen në Strategjinë e miratuar për Edukim Financiar dhe Përfshirje Financiare 2021 – 2025, nga ku rrjedhin edhe rezultatet e hulumtimit të kryer në vendin tonë i cili zbulon një zbrazëtirë midis niveleve të diturive midis grupeve të ndryshme të popullsisë, duke nxjerrë në pah nevojën për një qasje të larmishme në edukimin financiar të grupeve të ndryshme të synuara.

Kështu, është konstatuar se niveli i njohurive financiare, sipas pikëve minimale të synuara, është më i ulët tek femrat në krahasim me meshkujt, tek të rinjtë dhe të moshuarit në krahasim me moshat e mesme dhe po ashtu është më i ulët tek popullsia me arsim më të ulët dhe në mesin e popullatës me të ardhura më të ulëta.

Nga kjo lind nevoja e thellimit të bashkëpunimit dhe mbështetjes së sektorit joqeveritar nga institucionet përkatëse në vend dhe nevoja për të realizuar një numër më të madh të aktiviteteve të përbashkëta.

Me këtë qëllim, Agjencia sot më 28 mars 2024 mbajti një takim me drejtoreshën ekzekutive znj. Marija Risteska dhe përfaqësuese femra të Qendrës për Kërkim dhe Politikëbërje, ku u ndanë propozime dhe u shqyrtuan mundësi për një qasje të përbashkët në procesin e rritjes së edukimit financiar dhe ndërgjegjësimit për pensionet tek gratë në vendin tonë, si një parakusht thelbësor dhe bazë për sigurimin e së ardhmes dhe sigurisë së grave në ditët e tyre të pensionit.

Meqenëse muaji mars është muaji kur fondet e pensioneve dorëzojnë zarfin e gjelbër që përmban informacione për raportin vjetor, informacione për portofolin, formular përditësimi dhe emër përdoruesi dhe fjalëkalim të hyrjes, është e një rëndësie të veçantë që çdo anëtar i fondeve të pensionit të kuptojë informacionin që përmban zarfi i gjelbër dhe qëllimi ynë është të rrisim njohuritë për pensionet dhe të sigurojmë ndërgjegjësim më të madh midis të gjithë anëtarëve tanë aktualë dhe të ardhshëm për të monitoruar vazhdimisht llogarinë e tyre individuale dhe për të përditësuar të dhënat e tyre në kohën e duhur.

Nevoja për arsimim më të madh financiar, veçanërisht të grave, është e dukshme dhe e shprehur në realitetin e ri të të jetuarit në kohë me shumë kriza dhe turbulente ku dituritë dhe shkathtësitë lidhur me financat janë të një rëndësie kyçe për jetën tonë të përditshme.

Thelbi i riformësimit të së ardhmes së edukimit financiar të grave bazohet në bashkëpunim më të madh të ndërsjellë dhe partneritete afatgjata që mundësojnë mbështetje, veçanërisht për gratë në botën e biznesit në rrugën e tyre drejt suksesit.

Ne besojmë fuqimishëm se kjo mënyrë bashkëpunimi do të sjellë mundësi të reja për mësim, kontakte dhe shkëmbim përvojash dhe diturish.