Совет на експерти на МАПАС

Претседателот на Советот на експерти ги врши следните работи:

• Раководи со МАПАС, го претставува и застапува во односи со трети лица;
• Донесува решение за видот и обемот на контрола на субјектите под супервизија, согласно годишниот план за спроведување на контрола, донесена од страна на Советот на експерти на МАПАС;
• Поднесува пријава или овластува лице да поднесе пријава за поведување постапка пред надлежен орган за дела кои се казниви со закон;
• и врши други работи кои му се доверени со закон, Статутот на МАПАС и други акти на МАПАС.

Советот на експерти на МАПАС ги врши следните работи поврзани со оперативноста на МАПАС:

• Донесува статут на МАПАС;
• Донесува финансиски план и финансиски извештаи;
• Донесува годишна програма за работата на МАПАС;
• Усвојува годишен извештај за работата на Агенцијата и годишен извештај за состојбите во капитално финансирано пензиско осигурување;
• Издава, повлекува и одзема дозволи за основање на пензиските друштва, издава дозволи за вршење дејност – управување со доброволни пензиски фондови, дозволи за вршење дејност – управување со задолжителни пензиски фондови и издава, повлекува или укинува одобренија за управување со задолжителни и/или доброволни пензиски фондови;
• Дава одобренија и согласности по барање од пензиските друштва врз основа на закон;
• Донесува акти за спроведување на овој закон и другите закони во негова надлежност;
• Организира и обезбедува законско извршување на активностите од делокругот на МАПАС;
• Врши други работи утврдени со закон и Статутот на МАПАС.